Зградата во која се сместени Врховниот суд, Апелациониот суд и Вишиот суд во центарот на Подгорица e евакуирана откако на е-маил адресите на овие институции била испратена заканувачка порака дека е поставен експлозив.
Високиот суд за Радио Слободна Европа потврди дека сите вработени ги напуштиле работните места и седиштето на институцијата додека полицијата врши претрес во службените простории.
Полициската управа на Црна Горa сè уште нема соопштение за ова.
Истиот заканувачки мејл е испратен и на адресите на Судскиот совет и на Обвинителството.
Видете и ова:
Училиштата, судовите и медиумите во Црна Гора добија дојави за бомбиЗа РСЕ беше потврдено дека до судовите е испратен заканувачка електронска пошта со следнава содржина:
„Има уште многу, Квон, Абазовиќ, Лазовиќ и Мило лежат невини. Браќата поставија антракс и пластичен експлозив во Врховниот суд, Апелациониот суд, Вишиот суд, Општина Подгорца, Вишото обвинителство Подгорица. Се гледаме во пеколот!"
Испраќањето анонимни закани со експлозив до црногорските судови беше изразено особено во текот на минатата година и во 2022 година. Сите дојави беа лажни.